«Покчи тодосчи–2023» улосвылкуспо форумлэн очной этапезлэн кыкетӥ ужрадэз ортчиз. Таяз радэ пичильтыкъёс люкаськизы Алнашысь «Родничок» нылпи садэ.
Ужрадын Ува, Алнаш, Можга, Кияса ёросъёсысь 4–6 аресъем нылпиос тодослыко ужъёссылэн огъянъёссынызы тодматӥзы. Перепеч но ческыт нянь пыжон амалъёс, вӧй шуккон, шулан лэсьтон, ӵыжы-выжыос сярысь тросгес тодон но удмурт кыллэн шыкысысьтыз выль кылъёслэн кутӥськемзы но соосты кылдытӥсьёс сярысь вераськизы туннэ нылпиос.
«Покчи тодосчи–2023» улосвылкуспо форумлэн лымшор ёросъёс пӧлын вормисьёс луизы:
🥇 Петров Николай но Сергеев Владимир (Кватчиысь нылпи сад) шулан лэсьтон но нӧкы вӧйлэн ӝӧк вылэ вуон сярысь эскерон ужъёсынызы.
🥈 Смирнов Ярослав (Алнашысь «Родничок» нылпи сад) «Пань-пань ческыт нянь» уженыз.
🥉 Дядькина Анастасия (Варзи-Ятчиысь «Варзинка» нылпи сад) но Печникова Снежана (Карамас-Пельгаысь нылпи сад) перепеч пыжонэз но ӵыжы-выжыоссэс эскерон ужъёсынызы.
Ӟечкыласьком!
Форумлэн очной этапаз пыриськем пиналъёс нимысьтыз кузьымъёс басьтӥзы. Нош соослэн анай-атайёссы таукарон гожтэтъёсын пусъемын вал.
#УдмуртКенеш #НИИ_национального_образованияУР #ПокчиТодосчи
