🎎🎎🎎🎎 #ГодПедагогаиНаставника ==========
«Пичи, чиед мугоро,
Сэзь, чырткем но туж визьмо.
А.Г. Шкляев – дышетӥсь,
Эш, юрттӥсь, визьнод сётӥсь.
Кӧня солэн ужъёсыз,
Пӧртэмесь бичетъёсыз.
Кыӵе ӟеч со вераське –
Кылзэмъя кылзэм потэ» ( Лилия Рыбакова (Бакаева).
------------
Первые выпускники направления «ЖУРНАЛИСТИКА» (УдГУ, 1999)
написали замечательные слова о Александр Шкляев Александре Григорьевиче.
Светлана Долганова – главный редактор газеты «Авангард» Вавожского района сама написала и сподвигла других своих однокурсников вспомнить о своём учителе.
Светлана Долганова гожтэ: «Зэм но, Александр Григорьевич Шкляев ми понна – дышетӥсь но, эш но, юрттӥсь но, визьнод сётӥсь но вал, дыр.
«Бутылен чекушка, – кыӵе тунсыко ӵошатон шедьтэм, узыр, шӧдӥське, кыл-тӥрлыкед», – кызьы ке тазьы лӧпкытъяз вал монэ Александр Григорьевич творческой конкурсэз ортчыкумы.
Нош кыкетӥ курс бере, практика ужъёсмес дунъякуз, шуиз вал: «Ӧй янгыша Тӥ ласянь, Светлана».
Лекциоссэ туж мыло-кыдо лыдӟылӥз. Паймисько вал, кызьы меда тодослык дунне сыӵе тунсыко потыны быгатэ адямилы? Мон понна соку ваньмыз, ма герӟаськемын вал тодон-валан басьтонэн, туж мӧзмыт потылӥз. Куддыр юри но эчешыны муг утчасько вал кадь. Нош со вожзэ ик ӧз поттылы кадь.
«Тӥ, Светлана, одно ик редактор луыны кулэ», – паймытэ но могӟытэ вал монэ. Кытысь кызьы азьланьзэ адӟылӥз?
Дышетскиседлы оскыны быгатон – со дышетӥсьлэн одӥгез самой кулэез быгатонлыкез. Со быгатонлык бордысь пото уго дышетскисьлэн туннэ но, азьпал улоназ но басьтэм вормонъёсыз.
Тау, Александр Григорьевич, оскемдылы. Тӥ кадь оскыны быгатӥсьёс улонам чиньыен лыдъямон гинэ, озьы ке но, тӥледлы луыса, каллен-каллен тубисько улон пагӟаетӥм».
Данилова (Феоктистова) Надежда:
«Александр Григорьевичлы мон диплом ужме гожтӥ. Умой ужамы, трос валэктӥз, юрттӥськиз. Ӵапак соку компьютеръёс улонэ пыӵаны кутскизы, дискеткаос кылдӥзы. Мон понна со тросэз валантэм вал. Нош Александр Григорьевич улонлэсь бере ӧз кыльы. Тодэмъёсыныз монэным люкиськылӥз, тупен-тупен валэктылӥз.
Студентъёсыз сярысь сюлмаськись. Одӥг учыр гинэ но валэктэ ини тае. Студент Шкляевлы экзамен сётэ. Билетъя тыро-пыдо верамез ӧз луы. Шкляев мукет дыръя экзамен сётыны лыктыны косэм. Студент выльысь билет кыске. Шкляев нырысь-валысь юанъёс сётэ азьло валэктымтэ билетъя. Сюлмо студент тае одно ик тодыны кулэ уга. Но егитъёс пӧртэмесь.
Туж данъяськисько дышетӥсеным! Али но вераськиськомы. Трос юалляське уж сярысь».
Кононова (Конькина) Ирина:
«А.Г. Шкляевен мон гожьяй дипломной ужме. Соин ик ми соин матын вал. Пичи мугоро но бадӟым йырвизьмо адями. Критик луэмез шӧдӥське котьку. Ваньмыз шоры дун пуктыса учкыны дышемын. Ноку но лэсьтэм ужен быдэсак соглаш уг луы. Марзэ ке но, кыӵе ке но шексэ одно шедьтоз. Туж требовательной, справедливой преподователь. Быдэсак ас ужаз выемын, туж трос тодэ. Малпам ужзэ номыр шоры учкытэк быдэстоз».
-------------------------
Бадӟым тау, тӥледлы, гажано выпускникъёсмы, милям преподавательмы сярысь сыӵе дуно кылъёс гожтэмды понна! Ваньдылы ужазинлык, тазалык но сайкыт инбам!
Тужгес тау кылъёс вераськом Светлана Долганова Светланалы, эшъёссэ ӝуткамез понна!❤❤
--------------------------
1-ти туспуктэм (паллянысен буре): Елена Петрова (Бахтиярова), Алевтина Митрофанова, Светлана Долганова, Наталья Воронцова (Дианова), А.Г. Шкляев, Надежда Прокопьева, Эвелина Иванова (Широбокова), Ирина Кононова (Конькина), Надежда Данилова (Феоктистова) но Лилия Рыбакова (Бакаева).
2-ти туспуктэм (паллянысен буре): 1 ряд: Лилия Рыбакова (Бакаева), Светлана Долганова, Дмитрий Вороновнин, А.Г. Шкляев, Алексей Андриянов, Наталья Воронцова (Дианова), Ирина Кононова (Конькина). 2 ряд: Надежда Прокопьева, Алёна Горбунова (Ипатова), Ольга Москвина, Надежда Данилова (Феоктистова), Алевтина Митрофанова, Наталья Останина, Анна Вовк, Эвелина Иванова (Широбокова), Диана Березина, Елена Гафарова, Алла Пуговкина, Татьяна Митрошина, Елена Попко, Светлана Загребина (Петрова), Елена Петрова (Бахтиярова), Евгения Полевая, Марина Тихонова, Ирина Королёва.
#ИУФФУиЖ_УдГУ #ГодПедагогаиНаставника #ШкляевАГПедагогиНаставник
